Артур БОНДАРЬ

Нарадзіўся ва Украіне, зараз жыве і працуе ў Германіі. Фатограф, візуальны мастак, куратар, выдавец і калекцыянер. Працуе над асабістымі дакументальнымі і мастацкімі праектамі, прысвечанымі гістарычным падзеям, слядам мінулага, калектыўнай і прыватнай памяці. Лаўрэат і намінант шэрагу прэмій, у ліку якіх National Geographic (2011), Magnum Emergency Fund (2012), The Documentary Project Fund (2013), прэмій "Лепшы фатограф Украіны" (2013) і Allard Prize (2016), а таксама Foam Paul Huf Award, Prix Pictet Award (2016) і інш.

Удзельнік выставак у розных музеях і арт-інстытуцыях па ўсім свеце. Супрацоўнічае з такімі выданнямі, як The Wall Street Journal, The New York Times, The New Yorker, The Washington Post, Le Monde, The Times of London, Der Spiegel, De Volkskrant і іншымі.

Аўтар сямі кніг, сярод якіх - «Цені зоркі Палын», «Подпісы Вайны», «Барыкада», «Валерый Фамінскі V.1945», «Грань» і інш.

Сяргей ГУДЗІЛІН

Беларускі фатограф, жыве ў Літве. Вывучаў Медыя і камунікацыі ў Еўрапейскім гуманітарным універсітэце (Літва).
Фатаграфіяй і журналістыкай займаецца з 2005 года. З 2011 года здымае ўласныя дакументальныя праекты і супрацоўнічае з замежнымі СМІ. Супрацоўніцтва: The New York Times, Gazeta Wyborcza, Nasha Niva, Russian Reporter Magazine Online, Svenska Dagbladet (Sweden), Stern Online (Germany), National Geographic (USA), ELLE-Russia, Meduza, Forbes-Russia, Forbes-Latvia, The Village (Беларусь).

Узнагароды: PRAFOTA 2020, Minsk Photography Month Award 2017, PDN’s 30 Emerging Photographers to Watch 2014, Belarus Press Photo 2011

Ментар адукацыйнай праграмы PhotoArtDoc.

Маіра ДУДАРАВА

Жыве ў Латвіі. Мае шматгадовы досвед працы ў сферы фатаграфіі. Кіравала Латвійскім музеем фатаграфіі (2008–2021), узначальвала фотаархіў галоўнай латвійскай штодзённай газеты «Diena» (1999–2008), кіравала фотадэпартаментам у тым жа выданні (1998–1999), працавала фотакарэспандэнтам у некалькіх латвійскіх газетах (1992–1998). Абароніла магістарскую дысертацыю па індэксацыі лічбавай фатаграфіі на факультэце сацыяльных навук Латвійскага ўніверсітэта (Рыга). Куратар і лектар у Латвійскім каледжы культуры. Неаднаразова ўдзельнічала ў праглядах партфоліа-рэўю ў статусе эксперта на фестывалі Kaunas PhotoStar у 2011, 2012, 2013, 2014, 2016 гадах, на фестывалі Bratislava Photo Month у 2012 годзе, на ISSP у 2012, 2013, 2014 гадах, Riga Photo Month 2014, а таксама на фестывалях Lodz Fotofestiwal, Photolux Festival 2015, Backlight Festival 2017 і Bialystok Interphoto Festival (2017, 2019, 2021).

Кацярына КУЗЬМІЧОВА

Беларуская фатографка,
жыве ў Польшчы.
Працуе на стыку жанраў дакументальнай і арт-фатаграфіі.
Выпускніца Акадэміі дакументальнай і мастацкай фатаграфіі «Фатаграфіка» (Санкт-Пецярбург, Расія), мае ступень магістра прыгожых мастацтваў Акадэміі мастацтваў і дызайну ва Ўроцлаве, Польшча. Пераможца міжнародных фотаконкурсаў TIFA і BIFA, уладальнік гранта Gaude Polonia Міністэрства культуры і нацыянальнай спадчыны Польшчы. Член міжнароднай асацыяцыі фотажурналістаў WOMEN PHOTOGRAPH. Мае публікацыі ў часопісах Bird in Flight, Monovisions, Dodho і іншых.

Ментар адукацыйнай праграмы PhotoArtDoc.

Таццяна ТКАЧОВА

Беларуская фатографка,
жыве ў Германіі.
Лаўрэатка беларускіх і міжнародных конкурсаў, сярод якіх Прэмія Бюро Месяца Фотаздымкі ў Мінску, World Press Photo Award і інш. Прымала ўдзел у калектыўных і персанальных выставах у Беларусі, Германіі, Расіі, Францыі, Італіі, Грузіі, Літве і інш., Скончыла Акадэмію дакументальнай і арт фатаграфіі «Фатаграфіка» (2015) і International class for Photojournalism and Documentary Photography at the University of Applied Sciences and Arts in Hannover (Германія, 2022). Супрацоўнічае з беларускімі і замежнымі СМІ, у тым ліку The Guardian, Такія Справы, Republic, «Новая газета» (Еўропа), Der Spiegel, De Volkskrant, 6Mois, Рускі Рэпарцёр, Esquire.ru, Lenta.ru, Meduza.io.

Ментар адукацыйнай праграмы PhotoArtDoc.